मालकाने दिला नाही पगार, नोकराने दुचाकी पळवली अन् जाळली
NewsZenn
Oct 4, 2021
729
0
पिंपरी चिंचवड: कोरोनामुळे (corona) अनेक उद्योग धंद्यांवर परिणाम झाला आहे. त्यामुळे कामगारांच्या पगाराचेही वांदे झाले होते. पण आता कोरोनातून सावरल्यानंतर उद्योग धंदे सुरू झाले आहे पण अजूनही मालकांकडून पैसे काही निघत नाही. त्यामुळेच पिंपरी चिंचवडमध्ये ( Pimpri Chinchwad ) एका कामगाराने पगार न दिल्यामुळे मालकाची दुचाकीच भर रस्त्यावर पेटवून दिली.
मिळालेल्या माहितीनुसार, पिंपरी-चिंचवड शहरात ही घटना घडली आहे. अंकित शिशुपाल यादव असं दुचाकी पेटवून देणाऱ्या कामगाराचं नाव आहे. अंकित यादव हा मूळचा उत्तर प्रदेशचा असून तो मांजरी येथे गणेश उंदरे पाटील यांच्याकडे कामाला होता.मात्र गणेश पाटील यांनी अंकित यादव याला पगार दिला नाही. त्याने पाटील यांच्याकडे पगाराची मागणी केली. पण, त्यांनी काही पगार दिलाच नाही. महिनाभर काम केल्यानंतरही पगार न मिळाल्यामुळे अंकितला राग अनावर झाला. त्याने थेट मालकाची दुचाकीच पळवून आणली. त्यानंतर गाडी चिंचवड येथील प्रदीप स्वीटच्या समोर पेटवून दिली आहे.
Comments (0)
Facebook Comments (0)